美齒的決心!!

最近最近...箍牙的心....又再蠢蠢欲動><

我的門牙比較突出, 有點哨, 我最介意就是側面...咀形突出來....><
平時出街我都會留意別人的側面...很羨慕美美的側面線條!! 所以最想箍牙可以把門牙都收入!

小學時...老豆已經開始叫我箍牙,不過當時不明白...所以從來無打算

前2年見到堂妹箍牙~~~我去了見她介紹的牙醫...3年呀...太長了!!所以打消念頭了...

 
最近忘記了因什麼事情...又心癢癢..箍牙大概的流程我已有心理準備..
剝牙.上箍.痛
因為隱適美價錢太貴...所以我一直只考慮鐵線配白色粒粒...不過到了後期因老豆話醜醜醜...所以我最後考慮隱適美><   真的貴!!!!!

復活節後,我就開始重新上網做research,因為選擇牙醫是最重要的決定!!

經forum, fb fd, 等等的介紹..我先後見了4個牙醫!! 最後揀了波波醫生(因為他的名氣,所以我相信他,我不想花一大筆錢,出來牙齒效果不理想!要做就做最好!)多謝各位be/ fb 有介紹牙醫給我的朋友!!

決定的一刻, 內心很激動, 真的很開心!!!也馬上跟要好的朋友share !!

 箍牙對我來說, 真的是 一個 非 常 重 要 決 定!! (激動中)

4月頭已經見左牙醫,,因為consult時已照了x ray所以今日只需要印牙模,牙模都很簡單,只需緊緊地咬一舊膠~似泥膠~haha

一次性付款!!$43k!!!~~~噢~~~~~貴!!!!

要努力儲錢!!2年後變美!!

FMCG的第6個月,想辭職...

對~~~我竟又想辭職...(我都覺得講出黎會被人打~)不過今次會sd下cv先,唔會quit住

依家的工作:薪酬一般(但呢個唔係要走的主因)...當時因為搵左2個月都冇offer...畢竟我覺得搵左2個月都覺得係極限了....信心又開始被打殘...所以最後接受了..當然我決定做得呢份工,就會想做好佢,唔會hea住做

依家公司算是大公司,福利很好,很全面, double pay / bonus / medical insurance ,而且穩定到爆,最岩結左婚有仔女係度做 (我覺得太穩定,呢個post要求唔高~~好多人都做得黎~~~又冇咩壓力,應該好多人覺得好正)
  

但~~~~~重點:冇滿足感  (應該係job duty問題)

雖然當時interview我都大概明要做d咩,不過唔比機會自己試下,我又唔甘心

做左3個月...我覺得點解我好似仲未上手...我知boss都係咁諗~冇錯~我都有講(我鐘意坦坦白白講,所以我唔會話做得冇問題)

其實我都估唔到自己做左3個月仲係咁...我都對自己有d失望...我唔想因為做唔黎而想走~我會覺得有d太易放棄...所以我stay


我工作內容跟進完,得唔到改善...令我覺得好挫敗...雖然boss話呢個唔係我問題,我控制唔到係正常...但我感覺有好多阻礙...

最衰在做慣左以前公司都係20-30人,我會參與得多d,對事情的掌握都多d,我可以控制到件事...仲有加加埋埋其他小問題~個人認為返工要返得開心都幾重要,但零工作滿足感



入大公司,分工好細,唔係你的Duty,想問多d了解多d~問左人地都未必理你(正是大公司各部門常見的溝通方式 )


遞信~boss都明白我點解想走~~好多謝boss同我傾咁多~多謝佢的open mind~(可能因為我走對佢影響不大,不過就麻煩哂我同事要跟返...唉...依家我走又搞到佢好忙...真係勁唔好意思...)

循例都要見一見Director,我簡單講左quit的原因"冇滿足感"~佢口中講左一句回應我"明白~你依家似係流水式工作",我心內頓時覺得~自己quit得好!!"流水式工作"絕對唔適合我,多得Director用呢個形式詞,令我覺得自己冇決定錯
 
要開始留意JOBSDB...