Find Job Again...

估不到又要變成失業大軍了~~~~

頭1星期我都在休息...放任自己..好好休息後再重新sd cv!!

2個月內in 了 約10份~

當中都有我認為有與趣而且大機會的!!

１.Brand Executive, 一間做面包的公司,in得幾好,同hr傾得好開心,佢問我有咩indea我都有講幾個新idea~ha
2. Marketing Executive一間平價電器連鎖公司,in hr 同 director, 我表現有d緊張, 佢問idea個時我都有講~做工展會build brand image,不過唔知佢點睇....hee

3. Trade Marketing Assistant  -FMCG 算有規模的, in左 hr同 manager, 不過job duty就唔係mkting...(ps:trade mkting 唔同mkting)

最後只得第3個份比offer我><
所以最後嘗試一下吧!!

努力!!!!Frighting

觀塘工-每日12點....離開...真的離開

快2個月了....我已經快撐唔住T.T

點解日日都12點先走...仲要同head講我係去趕尾火車先走得...
記得有日3pm幾掛 8號波....個日8點幾走...心諗:今晚可以返屋企食飯又可以訓多d啦
好多日冇返屋企食飯...多數叫呀媽留比我...夜晚自己食


好down..已經做到面冇表情...諗過mkting就係要甘的嗎...係咪我真係做唔黎...唔想甘快放棄...
收工心情好差...坐車會喊..返到home會呆左坐係度成個鍾...吽左..
.
.
.(感覺快要抑鬱...)
.
.
Sat 下午我又返去做...我當自己手腳慢返去做幾個鍾

Sat上午 媽咪問我係咪好辛苦....忍唔住....大喊...

開始諗係咪要轉工

"我想多d時間陪屋企人,我唔要淨係得工作冇哂生活"



最後決定resign...再見做了2個月的mkting

多謝boss in我一次就請我,信我
多謝2個head,或多或少...我都有得著的

觀塘工-上軌道了!

新head上任後,都算夾到的~佢後生,講野爽快的~都算夾到~

多謝新head同boss講唔洗我再follow small claim...因為small claim的一切都令我好down...次次都官鬧....而且出一出灣仔都我冇左好多時間做野

大概工作內容:
<Seminar,佔40%>
1.seminar 搵 speaker- 公司名義都唔難的,重點要search有experience的醫生,佢地多數有哂ppt,而且講慣左.
2.搵贊助- 即係搵公司比$啦~~有d公司就只會比product sponsor no money.所以有d難道 (呢個應該係sales做...不過quit左一個又未請到)
3. 諗poster, edm 內容, 諗topic subtopic
4. 場地- 多數係返公司,所以問題不大
5. promotion- fb, forum, emd .....盡力谷 100-200人報名!!!時時刻刻都睇住個報名情況...好緊張
<Product Consignment,佔5%>
1.要補貨,要mark數
<Magaminze,佔 40%>
1.搵cover girl
2.copywriting- 非常有興趣,train埋我的文筆!
3.同客follow出ad
4.同designer夾
5.派書

跟左新head...收得夜左...10/11pm.....因為佢好多野都想由頭做過...明的...想改革下..佢係廣告人出身..我信我會學到野!!返左1.5個月,job duty係我想做的, 同人接觸多, i like!!!

 boss叫我入房...話提早過試用期,happy!!過左試用期,我salary 就同寫expect的一樣哈哈哈 開心^^

觀塘工-上庭的第一次

最近人事上公司有大改動...我上司要走啦...佢係公司幾年...我真係想跟佢學野嫁...
係知佢要走的個日...我竟然有想喊...

新head返左日幾日...跟左佢幾日...style完全唔同...我要時間適應下..

工作上~~~~~~~~

我偶爾要上庭...但冇人同我講process係咩一回事...boss講下個case,講左我地咩事告人,淨係話好簡單.....


去到上庭,未審都已經比官鬧,咩都冇準備好....好難受...
官問:有冇供詞交
我答:有
官問:點解依家先交!!
我答:....(其實我唔知手上的文件...法庭有未)真係唔識答
我答:我想對下手上文件,法庭有冇
官答:你問我,,我點知!!

官問:你有冇證人?
我答:有
官問:幾時上庭
我答:....(真係唔知..唉..乜都唔知)
官問: x小姐,我等緊你回答
我答: 更改冇證人
官答: x小姐,,呢度係法庭,唔係玩玩下!!你哂緊我時間!

完哂d野............我一步出政府大樓...就喊...
之後返公司....係個mtr站度坐...喊 同 冷靜


返去趕執稿...因為magazine8月頭要出!!依家仲未出 final...
仲有依家每日都搵緊speaker & sponsor for upcoming seminar


每日打daily report都諗點解今日做得咁少野..,,,唉

觀塘工-Seminar

我要跟另一個同事出去灣仔見客睇seminar場地....因為我之後要幫手搞seminar...
but!!我咩冇搞過..好驚比個客睇得出我係新人tim..haha
好彩知個客係XX臍帶血公司...一陣去search下佢公司背景先^^

場地係個客自己book ge,,所以去到先知個場都唔知係樣~

Notes:
拎相機去影個場
去到問拎floorplan
recepition位點放
睇下backdrop幾大,會點掛
要整signage,問有冇stand
睇廁所幾大,幾多格->影響rundown個break要幾長時間
問下同層房有冇event搞,係咩性質
book場前幾耐可以set 場,幾耐要清場
坐位,table有幾多張

去完返黎就學識左以上的注意事項啦~~唔知有冇漏呢...^^

觀塘工-已經返左一星期啦!

總括一下先

新公司時間係早過9am呀......好早呀....><(之前返10am嫁ma...)
不過好彩唔洗過海...約1個鐘就返到啦!haha

暫時我主要跟下公司本magazine書仔, event, seminar, 遲下可能仲有fair

不過差不多每日都有d data entry要做...=-=好彩唔係好多jei~


公司有2個boss...
一個比較惡dd...有要求!!同要快!!係返工第2-4日都見識過了....
因為佢有叫我幫佢做d文件..我諗都還ok...因為暫時冇咩特別野跟緊,,所以都算快交到貨
另一個係佢in我的,所以都見過,

平時我係跟我mkting head多的~佢人都ok nice,一齊lunch都會說說笑 =]


我間房的mkting同事得幾個人...大部份仲有temp. job  @@
遲下temp. job走左...都唔知點算...希望做得黎啦!!

見工(2)

呢份工係觀塘in嫁~好近我本身個度~~所以請左半日假去

竟然又係全程廣東話,冇出咩關於mkting難題考我,傾下依家我份工做d咩呀...黎緊想轉mkting 做d咩...問我想有咩achievement...呢個真係有d難答...我都唔記得自己講左d咩..haha
傾 job duty都幾深入...跟下event同ad..真係mkting野!好吸引
我都有講要1個月notice..佢都有提到人工方面,佢覺得我寫個數係ok的,
真好彩...因為我寫個數都高過依家份工15%
因為仲係搵工初期...我想睇下市場反應先..我唔想咁快寫低左


最後我問幾耐知結果...佢叫我遲下sd email黎問下
所以我覺得自己都有機會!!

in完之後當然繼續sd cv去搵工.....

(加上我boss又開始..唉...唔想比佢睇死我....所以好想快d搵到新工 )

心思思想快d知呢間公司有冇消息...


我等左1 week之後...仲未見有news...所以sd email去問下result
佢回我....話ok......好感動!!!!!!!!!!即刻同我d fd講 T.T

仲話7月可返工!!! GOOD NEWS!!!!!!!!!!!!!!!

見工(1)

先講 2. sales and marketing trainee:
係M公司,電視成日都見到,賣日本製的產品,係賣幫助宿便的
in之前個日我收左工.去佢間門市睇下,打打底~仲拎左佢本雜誌返屋企溫下書~哈
係beauty & health industry,,我都好有興趣!!happy!

見工內容!
填份form...填左好耐...要寫身高同體重..仲問有冇近視..填完...我都等左成個鍾T.T
過程全廣東話in,自覺發揮得幾好,起碼冇因為講英文而緊張或者窒左
不過佢問的問題有d怪....話我有d特別口音同懶音...當時就回應左,我會留意下D發音
之後研究我咩鄉下,又話自己係潮州人...搞到我一頭霧水...
(我心諗成朝早冇講過野...應該因為把聲應該未開=-=)
傾下講下...佢話trainee要返15個月前線.企門市@@....OMG!!
佢講埋返門市有幾多年假同工作時間................
我再問....會唔會當中要返下office之類..係冇.....
上office做係15個月後的事.if good performance!...
job requirment : u grad, 1-2 year exp.......講真15個月太耐啦...6個月我就可能考慮下
就完個時~佢話比本雜誌返屋企,我話屋企有,佢就我係咪member,
咁我就講去左門市睇同拎左本返屋企~~佢有讚我,欣賞我資料搜集好足夠,thank you!

不過覺得唔適合...唔緊要~終於再次interview覺得表現幾好!加油!!

下次再講3. marketing executive ~~

搵工行動 action!有消息!!

係~冇錯,我決意要做返marketing...

不過markinet 真係分好多層...cold call , meet target, media 落廣告, road show, 搞event, 搞fair ,搞fb /weibo ,market research, online marketing, sales pormotion , 搞brand image.......大大小小都好多你揀

最重要知自已想做咩!!

我已經有3-4年冇搵工啦, 都預左頭幾次 interview係當warm up

但因為本人好鍾意睇recuit, jobsdb等, 加上依家份工做d 野有少少HR 成份...
所以inteview skill應該都未脫節哈哈

**recuit, jobsdb 除左搵工廣告,仲有好多野比你睇,好多野學!!
 因為專欄內容會介紹新科技新市動動向**


正題,搵工!!其實依家有offer了~電話上confirm了...不過未簽約所以我仲未當係正式
但我都希望分享下搵工的過程,,haha!!


我一開始搵工的時候都係揀d睇到job duty覺得好岩,industry都岩,好想做先sd cv去

大概之前sd 左頭10個cv出去~好快就有3個回音~~

1.event coordinator: 電話打黎先知原來係agency 請人做banking,直接推左
2. sales and marketing trainee:好快有得in...不過原來都唔岩..
3. marketing executive: 冇call我...email我約interview....but i miss the email!!!

下次講下見工過程

誕生文

其實由中學年代(應該係16歲)已經睇台灣妝文都是台灣著名blogger~HAHA~當時香港不流行,而且youtube算新興玩兒

主要:西喜(當時無名小站) 花猴  雪姬 Tomoko

有素人美妝 有專業美妝師 有這型的 (雖然同我style不同,但好看就是了HEE)

 各有風格!!而且介紹的Product 部分hk也有賣的!! 多得他們,,我才入手kiss me油眼都不暈!!
我用的睫毛膏,眼線淚都是這家出的^^  已經用了10幾支!很多年了!!價錢約$69-79 ,親民!(即係合理~^^)我常常跟朋友介紹 ^^ 讚!!


稍後再出文~~haha (這句子是不是有台灣風味~haha)


以前未有fb, 所以多數上網就是爬文!!haha
亦都曾經係無名開blog,不過出過1-2篇就停了 ^^''


最近到我畢左業..亦工作了一年多...要轉工了~~轉去marketing的懷抱HAHA

想紀錄一下..搵工見工,多姿多彩的MKTING工作 ^^

所以又寫blog啦~~

第一篇出世啦

其實個blog遲左起步...講講依家我的情況先

2011年, 完成mkting degree於A公司正式全職CS ,暫時有1.5年經驗


~~~~~~~~~~~~~~最近
- 已遞信

- 4月開始留意 job recuit ,決意要轉做mkting!!!

我知自己比人蝕底...

(1)依家呢個月份開始好多fresh grad同我爭,

(2)佢地人工又平d

(3)我冇mkting job experience,有都係平時輕輕幫手會掂下

(4)怕自己做得耐已經被定形了,跳唔返去mkting T.T


但我都知自己有比人優勝的地方! 要有堅定的決心 !GOGO


暫時呢一刻我in左2份工,有1份offer(未正式confirm)...


仲有關於見工都有小小心得及趣事 ^^我會慢慢打嫁啦